Prema njegovim riječima, kolege iz Socijaldemokratske partije ne smiju prenebregavati činjenicu da su naši poslodavci građani, koji jasno zahtijevaju promjene.
- Neophodan je oštar zaokret destruktivne politike, i stvaranje preduslova za konačnu demokratsku smjenu DPS-a i na državnom nivou. Crnoj Gori je neophodna hitna destabilizacija okamenjenih centara moći i njena široka distribucija. Bez demokratske smjene vlasti nema vladavine prava, jačanja institucija i ekonomskog rasta i razvoja. Mijenjanje sistema (DPS) iznutra jednako je smiješna teza koliko i demokratizacija Sjeverne Koreje pod vođstvom Kim Džong Una, naveo je on.
- U podjeli na reformske i anti-reformske snage, odnosno iskrene opozicione subjekte, izdignute iznad tradicionalnih rovova, koji teže društvenim, političkim i ekonomskim promjenama sa jedne i DPS sa druge strane, Socijaldemokratska partija mora poslušati zdrav razum.
Vrijeme, mandati i privilegije su prolaznog karaktera, a SDP konačno mora izabrati između odlaska u političku prošlost ili pozicioniranja u političkoj istoriji, zaključeno je u saopštenju.
