Najmanje jedan od dvoje američkih medicinskih radnika koji su pružali pomoć oboljelima u Zapadnoj Africi i tamo i sami oboljeli, danas je otpušten iz bolnice u Atlanti, saopštila je Elison Geist, portparolka organizacije za pomoć Samaritan purs, za koju su radili.
Predsjednik ove organizacije Frenklin Grejam je danas objavio saopštenje u kojem se kaže kako se dr Kent Brentli oporavio, dok su u atlantskoj Univerzitetskoj bolnici Emori održali konferenciju za novinare, prenosi AP.
Kent Brentli i druga oboljela Nensi Rajbol su dopremljeni iz Liberije u SAD ranije ovog mjeseca i bili su na specijalnom tretmanu u odjeljenju za izolaciju.
U epidemiji ebole u Zapadnoj Africi dosad je umrlo 1.350 osoba, dok se broj oboljelih procjenjuje na više od 2.200. Bolest se prenosi direktnim kontaktom sa tjelesnim tečnostima oboljelih.
Epidemija ebole je ove godine zahvatila Gvineju, Liberiju i Sijera Leone, a od skora i Nigeriju.
foto. vecernji.hr
