"Ključno je da vidimo šta smo radili dobro i đe smo griješili protiv Italije. Primili smo dva gola i to moramo da analiziramo. Oni su nam pravili probleme po lijevoj strani i time ćemo morati da se pozabavimo", rekao je Džerard, a prenio "Skaj Sport".
Džerard je istakao da kao kapiten ima odgovornost da podigne ekipu poslije početnog poraza.
"Pokušaću da ih podignem jer nas čeka utakmica protiv Urugvaja. Moramo što prije da se vratimo. Imamo još dvije utakmice i ako osvojimo šest bodova, možemo da prođemo grupu", rekao je kapiten Liverpula.
Engleska će u četvrtak, 19. juna u Sao Paulu, igrati protiv Urugvaja, utakmicu drugog kola grupe D. Urugvaj je u prvom meču izgubio od Kostarike sa 1:3.
"Bio sam šokiran tim rezultatom, očekivao sam pobjedu Urugvaja. Oni imaju dobar napad, ali vidjeli smo da nijesu nepobjedivi. Primaju golove i ako budemo napadali kao u meču protiv Italije, onda ćemo im stvoriti velike, velike probleme", rekao je on.
