Zvijezda Juventusa bila je na meti stranih klubova nekoliko puta u karijeri, a u autobiografskoj knjizi je otkrio kako je svojevremeno bio nadomak prelaska u Barselonu i Real Madrid.
No, 34-godišnji igrač se nada da će provesti još nekoliko godina u dresu Juventusa, iako je priznao da ga privlači ideja igranja van Italije.
- Istina je da bih volio igrati u nekoj drugoj ligi. Imao sam nekoliko prilika za to u prošlosti. Na kraju dana uvijek bih odabrao ostanak u Italiji. Vidjeću šta će se dalje dešavati, ali sam suviše star za PSŽ. Želim da ostanem u Juventusu još nekoliko godina, ovdje sam srećan. To je klub s ambicioznim projektom koji nas je doveo tu gdje smo- kazao je on za "L'Equipe".
Vezni igrač, koji je treći put zaredom osvojio titulu prvaka Italije, rekao je da nema namjeru da okonča karijeru.
- Imam motiv za igru jer volim fudbal. I dalje osjećam zadovoljstvo dok igram, nijesam umoran i nije mi dosadilo, zabavno je - naveo je Pirlo.
