Kod očuvanja svježine namirnica, veoma je važan njihov ispravan raspored u frižideru o čemu više možete pročitati ovde, ali sitni trikovi takođe mogu pomoći.
Da bi banane duže očuvale svježinu, nemojte ih držati u "buketu" u kojem ste ih kupili, već ih razdvojte jednu od druge. Na taj način se usporava proces njihovog zrenja, što znači da - ako su pomalo zelene kad ih kupite, možete ih ostaviti dan-dva pa tek onda razdvojiti.
Da bi bijeli i crni luk održali svježinu, nemojte ih čuvati u najlonskim kesama niti u frižideru. Idealno bi bilo da stoje u papirnim kesama, a najbolje je da čak i na njima probušite rupice kako bi oko glavica luka cirkulisao vazduh.
Da bi zelena salata ostala što duže svježa, najbolje je da je držite u frižideru i to u posudi s poklopcem, ali i da je zaštitite od vlage koja će se s njegove donje strane skupljati. Zato je najbolje da preko salate stavite papirni ubrus i da ga mijenjate kad se potpuno skvasi.
Izvor: Lisa; foto: bosanskikuhar.ba
