Sandra je nedjelju dana provela na probi u novom prvoligašu iz Ankare - Gaju, gdje je svojim kvalitetom oduševila čelne ljude kluba, koji su joj odmah ponudili jednogodišnji ugovor.
Rakočević je protekle tri sezone provela u Biserima (drugi tim Budućnosti), gdje je bila jedna od najboljih igračica, ali s obzirom da je na pozicijama srednjeg i lijevog beka velika gužva u našem šampionu, bila je prinuđena da potraži novu sredinu, kao i veliki broj igračica iz njene generacije u koju je mnogo uloženo proteklih godina.
Prema našim informacijama devetnaestogodišnja Podgoričanka je imala nekoliko ponuda iz regiona, ali je ipak najkonkretnija bila iz Ankare, iz kluba koji ima velike ambicije ove sezone u Turskoj.
Na korak od potpisivanja ugovora sa istim klubom je bila i bivša golmanka „plavih“ Katarina Perović, ali ipak nije došlo do dogovora.
Podsjećanja radi, nedavno je sa Ankarasporom ugovor potpisao naš reprezentativac Marko Simović.
Komentari (0)
Želite da podijelite Vaše mišljenje sa čitaocima? Napišite komentar i započnite diskusiju.
