Severin je "u svojstvu poslanika Evropskog parlamenta, u periodu između 2010. i 2011. godine, prihvatio obećanje dvojice ljudi da će mu platiti 100.000 eura u zamjenu za to da on podnese amandmane koji odgovaraju i glasa protiv onih koji štete interesima" kompanije za koju su te dvije osobe radile.
Severin, koji je negirao optužbe, mogao bi da bude osuđen na 12 godina zatvora ako se ispostavi da je kriv, navodi AFP.
Korupcionaški skandal izbio je 2011. godine kada je Severin, zajedno sa kolegama iz EP - Ernstom Štraserom iz Austrije, Zoranom Talerom iz Slovenije i Pablom Salbom iz Španije - naseo na priču novinara britanskog "Sandej tajmsa" koji su se predstavljali kao lobisti.
Skrivena kamera snimila je njih trojicu kako pristaju da podnesu izvjesne amandmane, a da zauzvrat dobiju sto hiljada eura godišnje. (B92)
