Brojnim zagrepčanima i gostima, 18 nacionalnih manjina se predstavilo svojim stvaralaštvom, tradicijskim običajima, narodnom nošnjom i gastronomskim specijalitetima u programu koji je započeo u jutarnjim, a završio u kasnim popodnevnim satima.
Vijeće crnogorske nacionalne manjine Grada Zagreba je u saradnji s Društvom Crnogoraca i prijatelja Crne Gore "Montenegro" Zagreb predstavilo dio bogatstva tradicije i kulture crnogorskog naroda.
Među kulinarskim specijalitetima na štandu bile su priganice, sir, med, patišpanj, kačamak, koje su napravile članice Društva. Tu su bila i crnogorska vinina Vranac i Krstač, a crnogorsku narodnu nošnju nosili su Jadranka Šincek i Miloje Potpara.Nastup je uveličao i zbor "Montenegro" u Paviljonu Zrinjevac, koji je izveo pjesme: Vrsuta, Ivanova korita i Veselica, pod dirigentskom palicom Ismeta Kurtovića, a uz pratnju Edina Džaferagića.
Na manifestacii je predstavljen manji dio izdavačke i informativne djelatnosti.
Prisutne je u ime organizatora pozdravio Zoltan Balaž Piri, predsjednik Koordinacije, a u ime Grada Zagreba Elizabeta Knorr, izaslanica gradonačelnika. Voditeljica programa je bila Urša Raukar, dramska umjetnica, kaže se u saopštenju Vijeća Crnogoraca Zagreba dostavljenom Portalu Analitika.
