Podsjećamo, Milanezi su sve do 84. minuta, na meču protiv Sijene, imali rezultatski zaostatak, da bi u roku od tri minuta načinili preokret i došli do prijeko potrebnih bodova.
- Prošao sam put do pakla i nazad. Na šest minuta do kraja meča nijesmo imali Ligu šampiona. Djelovalo je da je sve gotovo kada je Ambrozini dobio isključenje, ali moram da kažem da niko ne izvodi penale kao Mario Baloteli - rekao je Galjani.
Čelnik Milana kaže da još uvijek nije poznata sudbina trenera Maksa Alegrija.
- On ima još godinu dana ugovora sa nama. Ostaje da sjednemo i popričamo. Samo bih da napomenem da je u posljednje tri godine Milan skupio više bodova od Juventusa - zaključio je Galjani.